Zëvendëskryeministri i Kosovës, Besnik Bislimi së bashku me ambasadorin e Turqisë Sabri Tunç Angili dhe deputeten Arta Bajraliu, kanë vizituar kompaninë turke Güris e cila operon në Kamenicë.

Me anë të një postimi në Facebook, Bislimi tha se gjatë vizitës kanë diskutuar mbi investimet dhe angazhimin nga kompania Güris në fushën e energjisë, shkruan Arbresh.info.

Ashtu si dhe për interesimin e kompanisë për zgjerim të investimeve.

“Güris i ka të punësuar gjithsej 39 punëtorë dhe ka investuar rreth 50 milionë euro në Kosovë. Vëmendja jonë kah fushës së energjisë dhe tranzicionit drejt energjisë së ripërtërishme vijon të jetë e lartë, gjersa përgatitemi për projektet e ardhshme konkurruese të energjisë së prodhuar me erë prej 150 MË, ku i ftojmë të gjitha kompanitë të jenë pjesëmarrëse.”, ka shkruar ai./Arbresh.info/